每一次 Toddler time 差唔多完之前會唱"Ring Around the Rosie". 啲小朋友手拖手一邊圍個圈行,一邊唱. 小B頭幾次都會整開另一邊小朋友隻手. 唔鐘意拖陌生人? 今日係最後一堂, 哈哈, 終於圍到個圈. 唔知係小B隻手比隔離個小朋友捉實整唔開, 定佢唔再怕同其他小朋友手拖手呢? 總之就係有進步! 上完先生仲送咗貼紙一大張呀!

 

夜晚食完飯, 小B自己拿住隻杯邊行邊飲水時突然滑到係地. 頭撞落地咁瞓底. 即時大喊.  仲唔知點解整到咀流血!!!!!

 

另外, 今日小B識自己開房門...  我睇係時候要係樓梯前加上閘.

 

朝早起身抱小B落樓, 小B呀呀叫. 於是瞧佢手指方向一望. 嘩! 車車! 又做車主... 第三架啦!  咦椅, 今日唔係我生日咩..   晏晝興奮地試新車. 開門閂門, 上車落車, 坐下前坐又坐下後坐, 又用腳踢開門, 又推住四圍撞...  

上完堂去超市買咗盆花.

 

是日午餐

 

---

是日晚餐

 

多謝各方好友嘅祝福. 您地嘅E-Card, 電郵, SMS, 口訊, 留言, 顏冊祝賀我都收到呀! 多謝晒~  

仲要多謝紫色... 我朝早無checkE貓呀. 我都唔知你嚟過. 老公放工先知你留低份禮係我門口...  真係唔好意思啦. 多謝! 多謝!  

咁得意嘅? 第一次見. 唔記得睇下賣幾錢...

 

生蠔比起N年前細啲.

蝦好正. 個湯都好正.

提子, 西瓜都好甜.

好耐無食嘅黑森林好好好好味呀~

嗰張最多比四位每人減$5coupon, 佢比我地減五位呀!

竟然仲有禮物收! 多謝! 多謝!

 

好多Parking Lot都Full. 搵位泊都搞咗成30分鐘+

用$2玩 Press-A-Penny. 食晏攞出嚟唔記得放係邊(定留係檯唔記得攞走), 搵唔番!!

松鼠

好耐好耐好耐無食麥當當啦. 嘩! 乜而家連麥當當啲盒都有埋營養成份呀.

 

 

是日晚餐

 

 

- 對上一次去車展, 巳經係N年之前嘅事. 雖然前一晚將相機電差滿, 但到淨番五分一竟然無電! 影唔晒!! yea~

- 小B全程抗奮, 連上午覺都唔要瞓. (最後一上車就呼呼大睡.   仲瞓兩個幾鐘. 瞓到晚飯時間先起身.  幾驚佢夜晚唔瞓. 好彩食完飯玩一陣又如常再瞓.)

- 正當小B食緊小餅餅, 身旁有人電話響, 路人甲: "Hello?" 小B將小餅餅放係耳邊. 笑死!

 

No German engineers beyond this point. 

The Japanese car the Germans wish they'd made.

小B指住高高嘅黃色車車. "呀~呀~". 工作人員:"SHE is the only one who notices it..."

SHE?

老公朋友話好好食, 夜晚買返屋企試. 佢朋友仲話入面嗰啲唔係芒果. 吓? 芒果班戟無芒果? 入面嗰啲係桃喎.

第一次食芒果班戟. ok 啦. 我個人就未至於會再買嚟食囉. 無食過香港嘅滿記, 無得比較.

 

今日細佬生日. 祝壽星仔生日快樂, 工作愉快, 想事成, 身體健康!

 

 

 

中午小B食啤梨. 整到一褲都係. 於是幫小B除落嚟放一邊. 跟住婆婆同我話污糟晒要拎去洗. 小B聽到就拎咗條褲示意要上樓. 上樓之後行去自己房放入洗衫籃.  哈~哈~哈~  

正如阿菜話齋: 唔好搞禁多野啦. 灰媽今日係T字頭買咗包栗子. 味道當然無香趕街邊嗰啲咁正. 唔係熱嘅, 亦都唔係用糖炒嘅. 所以食落對手唔會黑麻麻. 當然係放便過自己整. 不過點解比起我前幾日買生嗰啲細咁多嘅?

 

是日晚餐

啲排bone好林.

隻Hershey's 都唔錯. 唔會好甜. 如果薄啲仲好.

 

 

是日晚餐

屋企有包急凍熟蝦, 嘗試係網上搵食譜. 都無乜好煮意. 後來又諗起蛋朋友. 萬里長城長又長!

仲有蒜溶牛油焗蘑菇同第一次煲嘅彿手瓜湯. 原來彿手瓜煲湯都幾好味喎!!

 

今日上完堂先生比咗個情人節嘅stamp同一個情人節嘅心.

今日又去行IKEA. 小B係唔知邊張餐檯上嘅陳列餐貝, 攞咗圖中嘅小叉. 全程就係渣住呢隻小叉行而家...

 

雖然今日係赤口, 不過係呢度都無セ所謂. 去左姑媽屋企拜年. 見表哥打機, 就係咁拍拍表哥好似話我又想玩. 不過表哥無埋佢. 食飯時有人問識唔識講爸爸媽媽. 即場要小B叫爸爸. 小B好聽話咁"含羞答答"叫「爸爸」. 全場大讚小B叻叻.  唔知幾時先肯叫媽媽?  之後W姑媽叫佢轉身. 又好聽話係咁轉身. 轉到頭暈暈, 企唔穩.