最高: 15° 最低: 8°

 

星期一公司計量嘅女仔打電話嚟, 話公司將會十二月一日終止我個醫療保儉. 如果我想繼續就要自己比錢.每個月比二百七十八蚊!! 嘩! 唔係化~  啱啱放咗一個星期假o者, 駛唔駛咁快就斬我醫療保儉?? 況且公司啲保儉麻麻地,要我自己比好似好唔低...我答佢話要考慮下先.  但似終覺得唔憤氣... 乜可以咁架咩?

星期二上網搵有關資料. 見到網上話老細係要繼續幫我比我個醫療保儉架喎.  於是打去勞工部問. 個女人話by law公司係要繼續支付我個醫療保儉. 呵呵呵~  跟手打去同個女仔講, 佢話會同番老細講, 今日都無收到公司電話... 但我相信老細知要繼續幫我比個醫療保儉, 佢一定媽媽聲! XDDDD

 

今日同阿媽去咗買嘢煲薑醋!! 啲八珍甜醋都幾贵. 八斤$40!!   原來罌甜醋背面有食譜教點煮架!  今晚煲咗啦. 不過咩味, 好唔好食就真係唔知... 我成世人飲茶食過一次, 覺得好難食囉~

最高: 11° 最低: 2°

 

啱啱個星期做咗幾多嘢. 換油, 做Facial, 兩個飯局, 洗牙, 驗眼, 睇醫生, 攞con...
仲要多謝Ms.C 同紫色嘅禮物.

 

星期三去牙醫時,有電話,以為係牙醫打比我問我到未.但一睇個號碼... 咦~ 咁似公司電話嘅. 但係又無留言.咪無理佢囉. 點知夜晚阿媽話我老細留咗言係佢屋企,叫我打返比佢!  第二朝打去,佢話無嘢啦喎. 攪掂咗. 好彩o者. 幾驚叫我返去~

最高: 8° 最低: 5°

今日又再去 Le Gourmand 買三文治. (食上瘾-ed?)  尋日叫咗個 Chicken club w prosciutto (6.95). 今日叫咗個 Ham+Cheese+Tomato. 比完錢睇張單先發現佢落單落咗 Ham+Cheese (4.95)!! 同佢講, 佢話會幫我整個+番茄, 但係錢就算數. 唔駛比返. 嘩哈哈!! 好嘢~

等等下, 見賺咗, 又見啲曲奇好似好正~ 所以買咗個 chocolate walnut 同 Aranciata.
個塊曲奇都幾貴 (2.25), 不過真係勁勁勁好味!!!!

十一月十號 星期五

最高: 7° 最低: 6° 

上星期二老細出電郵比我同另外兩個同事話星期五開午餐會,無錢嗰個客會嚟...

 

 

我心諗, 我做多個多星期都唔做架啦...仲要我同佢地開會! 去到我都無嘢講架啦~ 叫我去充撐下場面炸? #%#$^@!#@
我仲同華頭, 奶油頭講! 華頭叫我去到諗啲開心嘢喎. 咁諗諗下啲開心嘢,佢地問我嘢點算呀? 華頭話咪答: "I agree with you. I totally agree with you. I absolutely agree with you all!"  之後同老公講返: 佢話咁如果佢係問: 「炒你好唔好呀?」

 

星期五嗰朝, 老公問我幾點開會. 我一睇, 移椅~ 12:30 - 1:30???? 啱啱食Lunch時間? 令我開始懷疑... (金田積上身-ing)  以我老細份人, 佢地無錢比, 佢係唔會咁好請佢地食Lunch架喎! 仲只係一得個鐘, 又食要嘢, 邊够時間做review?? 仲有個client,特登由美國飛嚟做 review?? 佢地前星期嚟嗰時唔做埋? 

 

之後 11:46am 其中一個本應要一齊開會嘅同事sent個電郵嚟問嘢. (佢係contractor係屋企做嘢) 移椅~ 咁佢咪唔會嚟開會囉?

 

跟住 12:30 老細叫我去開會. 嗰時都未見個客嚟... 一路行去會議室..見個個位都無晒人...

 

原來呃我話開會, 其實係...  hohoho...

都幾驚喜! 都幾感動! 勁開心! 啲嘢勁啱用呀! 

 

十一月十一號 星期六

最高: 5° 最低: 4° 

食完午餐, 約咗人兩點去買包包.
四點去咗茶餐廳食下午茶. 嘩! 有驚喜! 佢地嘅西多士入面有花生醬!!!
因為同事送嘅其中嗰盒摇摇椅, 我地自己已經買咗. 所以我地拎張禮物收條去换其他嘢.

换咗個"可以機洗"嘅毛毛公仔!!!!  (搵咗好耐啦~ 同小白一樣咁林!!!!) 同一架輕便嘅散步車. 都仲有十幾蚊剩! 呵呵呵~

 

十一月十二號 星期日

最高: 4° 最低: 3° 

返咗教會.
食完Lunch, 去咗新開嘅 super centres, 發現尋日買嘅包包買贵咗!!! yair~ 嗚~嗚~嗚~

最高: 7° 最低: 6° 

 

老公尋晚打完羽毛球返嚟, 佢問我同佢一齊打波, 以前一齊係邊度做嘢嗰個同事叫咩名? 我答係咪 F 生 . 佢話有一場佢同 F 生出去(一個場 4 個人打架嘛), 咁另外有個人走埋去自我介紹同問佢叫咩名啦...

 

 

阿 F 生無去打幾次啫.. 佢已經唔記得咗人地個名...  仲話以前一齊做咗幾年嘢, 而家仲個個星期一齊打波添... 唉~
好多時同佢去街... 碰到佢啲舊同事, 我會記得佢地啲名.. 但係佢就返而唔記得... 一係就碰到佢啲 friend, 傾完一輪, 跟住我問佢邊個嚟架? 佢就話唔記得人地個名...   你話係咪好驚先!

 

 

最高: 16° 最低: 1° 

 

最近恋上麥當當熱香餅~ 呢個星期(包括今朝)就食咗三次!!! 因為今朝老公要開會, 未够八點我就返到公司! 見咁鬼早, 除咗 hea 之外, 當然係喪食啦!

 於是今朝就食咗... 豬柳蛋漢堡 + 熱香餅!!!!

k sud boon yea 3 dim hey sun hui chi sor, e king kok duk to or...  sic jor jar gai bay seung cheung jin dan kung jai min! (hahaha, ga ge!)  hai sic jor fu jok gai dan tong sui chow jan!  hahahah~

最高: 10° 最低: 8°

 

識我老公嗰時, 佢就同我講. 叫我食多骨魚時要小心的.因為佢話 leung sing ball 就係食魚比魚骨哽史. 所以一直都以為真係咁.
今早食維他命嘅時侯, 粒药丸哽住係喉嚨. 以為就咁一命嗚呼.  咁啱華子問我做緊咩, 我話粒維他命丸哽住咗係喉嚨... 就史... 佢話咁佢就會見証住我食药哽史.   跟住同華子講開話 leung sing ball 係哽魚骨哽史. 佢好快就搵出當年真相, 咁當然唔係食魚比魚骨哽史啦! 原來我一直比人ark...

最高: 11° 最低: 5°

 

星期六買咗條cable, 暫時用住先.   遲啲有時間先再整. 费事華子報警搵差人拉我! 

最高: 6° 最低: -2°

Yair~ 點解仲係 connect 唔到架!

 

尋晚都係偷綫用...

最高: 6° 最低: -1°

 

Yeah!!  尋日收到上星期定購嘅新 laptop! 正呀!  銀色外殻加上白色邊, 好靚仔呀!!!
但係個無綫上網未setup 好... 尋晚都係偷鄰居啲綫用.  所以唔係好稳定, 間唔中會突然斷綫.
希望快啲 setup 好.